Harmonie Kleinbettingen

Museksveräin vun Klengbetten

Grënnung

D' Klengbettener Musek gouf den 30. August 1894 vun Eisebunner an Douanieren déi zu Betten stationéiert waren ënnert dem Numm "Musik-, Gesang- und Feuerwehrverein Bettingen" gegrënnt. D' Gesang- an Pompjeessektioun sinn zimlech fréi opgeléist ginn an am Laf vun de Joren krut de Veräin den Numm Fanfare Kleinbettingen. Am Joer 1968 ass aus der Fanfare eng Harmonie ginn. An säit 2006 ass d' Harmonie Kleinbettingen eng ASBL.

Memberen

Den 31. Dezember 2024 hate mir 86 Memberen:

  • 60 Musikanten
  • 21 Instrumentalschüler an aner Memberen
  • 4 net Musikanten an aner Memberen
  • de Chef Rob Köller

Haaptevenementer

Am Laf vum Joer spillt Musek zeg Concerten an Cortègen. Mee ob verschidden Evenementer sinn mir besonnesch houfreg: eisen Show-Concert am November wou mir extra Deeler aus der Museksgeschicht erëm opliewen loossen; säit 2016 spillen d' Musikanten mat der Ënnerstëtzung vun Kollegen och erëm Theater; Ufank September kenn Grouss an Kleng en flotten Weekend zu Stengefort um Dag bei der Baach erliewen. 

🎵 Show-Concert: Disney in Concert 🏰


Den 15. an 16. November 2025 invitéiert d'Harmonie Klengbetten ënnert der Direktioun vum Rob Köller op hir Disney-Concerte am Centre Culturel "Keeseminen" zu Stengefort.



Magic Kingdom 🏰 Disney in Concert

Samschdes, de 15. November um 20:00 Auer, presentéiert d'Musek e Concert mat de schéinsten an emotionalste Lidder aus der magescher Disney-Welt. Eng onvergiesslech musikalesch Rees fir Grouss a Kleng. Kommt laanscht a loosst Iech verzauberen!



Disney fir déi Kleng 🪄 Matmaach Concert fir Kanner

Sonndes, de 16. November um 15:00 Auer, gëtt et e Matmaach-Concert speziell fir déi jéngst Disney-Fans. D'Kanner kënnen aktiv matmaachen, matsangen a sech op d'Musek beweegen, a ginn esou Deel vun enger interaktiver Rees. En magescht Erliefnes fir eis Kleng!




Een groussen Merci geet och un eis Sponsoren ❤

Dei nächst Manifestatiounen

  • Kids Concert
    Sonndes den 16. November 2025 zu Stengefort
  • Chrëschtmaart Briddel
    Samschdes den 29. November 2025 um Briddel
  • Chrëschtmaart Stengefort
    Freides den 05. Dezember 2025 zu Stengefort hannert der Gemeng
  • Wanterfestival
    Sonndes den 14. Dezember 2025 zu Remich
  • Audition des Jeunes
    Sonndes den 11. Januar 2026 zu Stengefort an de Keeseminnen

Fotoen vun deenen leschten Manifestatiounen

D' Fotoen vun eisen rezenten Evenementer sinn ob Facebook erëmzefannen:

Hei och een Video vun engem rezenten Optrëtt:

Kontakt

Mir bidden Iech verschidden Méiglechkeeten mat eis Kontakt opzehuelen:



Musiksall, Kleinbettingen, Luxembourg
Facebook Message